11 de Febreiro de 2025,
Nuestra Señora de Lourdes

Últimos días para inscribirse na quenda de exercicios espirituais para sacerdotes

Últimos días para inscribirse na quenda de exercicios espirituais para sacerdotes

Últimos días para inscribirse na quenda de exercicios espirituais para sacerdotes que organiza a Vigairía para o Clero da diocese de Tui-Vigo, do 10 ao 15 de novembro. A quenda será impartida polo bispo emérito de Santander, Mons. Manuel Sánchez Monje, no mosteiro franciscano de San Diego de Canedo, en Ponteareas.

Tal e como lembra a Vigairía para o Clero, os exercicios espirituais para sacerdotes «son unha das mellores accións pastorais que nós, como ministros ordenados, podemos facer para servir á Igrexa segundo o Corazón de Cristo».

Nunha entrevista para o programa diocesano de COPE Vigo, Igrexa Noticia de Tui-Vigo, o sacerdote Juan de Olazabal, tras participar na quenda organizada pola Vigairía para o Clero do pasado ano 2023, expresaba que os exercicios espirituais «son unha oportunidade de descanso, non tanto físico, senón de renovación desa relación co Señor para poder volver á actividade con maior profundidade».