O 20 de decembro finaliza o prazo para inscribirse no XXIV concurso de panxoliñas que organiza a asociación «Amigos da catedral de Tui», en colaboración co cabido da catedral tudense, co obxectivo de revitalizar as tradicións de Nadal, especialmente entre os máis novos. Os interesados en participar deben enviar a folla de inscrición debidamente complementada a través do correo electrónico da asociación: amigoscartedraltui@gmail.com. O concurso desenvolverase o venres 3 de xaneiro de 2025, ás 17.00 horas, no templo catedralicio.
Poderán participar no certame nenos e adolescentes, individualmente ou en grupo, que non superen os 16 anos de idade. Todos os concursantes interpretarán obrigatoriamente a panxoliña Ai do chiquirritín e, a maiores, deberán interpretar outras dúas panxoliñas de temática relixiosa, nun tempo máximo de 15 minutos.
A asociación «Amigos dá catedral de Tui» será a encargada de designar o xurado, que repartirá tres premios por un importe de 150, 100 e 50 euros, respectivamente.
A participación neste concurso supón a aceptación implícita das bases. Tanto a inscrición como as bases, poden consultarse a través das seguintes ligazóns.
