O sábado 14 de decembro, a as 23:00 horas, a delegación de Pastoral Xuvenil e Universitaria da diocese de Tui-Vigo organiza a activade «Unha luz na noite», pensada para mozos e mozas que, durante dúas horas, queiran converterse en «evanxelizadores na rúa» para percorrer as rúas da cidade de Vigo e convidar a outros mozos para acudir á concatedral-basílica de Santa María, que permanecerá aberta para acoller a todas aquelas persoas que desexen experimentar un momento de adoración eucarística en compañía de mozos cristiáns. A través deste tipo de actividades, a delegación diocesana quere espertar o sentido evanxelizador da mocidade que, de maneira habitual, participan noutras actividades pastorais.
Previo a esta atípica saída nocturna, os mozos e mozas reuniranse ás 19:00 hora nos locais parroquiais de Santa María de Vigo para aprender as claves deste método: como falar da fe aos demais ou como acoller ás persoas que se atopan por primeira vez inmersos nun momento de adoración. As persoas que queiran participar na actividade deben inscribirse a través da seguinte ligazón.
«Unha luz na noite» é un método de evanxelización cuxo principal obxectivo é conseguir que os mozos e mozas que viven a súa fe dentro da Igrexa atrévanse a falar da fe fóra da súa «zona de confort», para converterse así en verdadeiros evanxelizadores. Neste sentido, non se trata de encher o templo de xente, senón que se busca producir un cambio de mentalidade na mocidade que, durante toda a súa vida, sentiron medo ou vergoña á hora de falar da súa vida de fe en ambientes non eclesiais.
