O Seminario Maior de Vigo acollerá os días 5, 6 e 7 de maio a V Edición das Xornadas de Teoloxía, baixo o título “O misterio pascual”. As tres sesións realizaranse no salón de actos do Seminario Maior de Vigo e serán todas ás 20:00 horas.
O martes 5 de maio impartirá a sesión o profesor e doutor D. Serafín Béjar Bacas, sobre o tema “Perspectiva cristolóxica”. D. Serafín é catedrático de Teoloxía da Universidade Loiola de Andalucía – Facultade de Teoloxía de Granada.
O 6 de maio estará a cargo do profesor e doutor D. Antonio Menduiña Santomé, co título “Perspectiva bíblica”. D. Antonio é profesor do Instituto Teolóxico Compostelán e do Centro Teolóxico de Vigo.
A última xornada, o xoves 7 de maio, impartiraa o profesor e doutor D. Félix M. Arocena Solano, sobre o seguinte aspecto: “Perspectiva litúrxica”. D. Félix é profesor emérito da Universidade de Navarra e da Universidade Pontificia San Dámaso de Madrid.