6/10/2022

,

San Bruno
6/10/2022

,

San Bruno

Vida Ascendente inaugurou o novo curso pastoral

Vida Ascendente inaugurou o novo curso pastoral

Vida Ascendente inaugurou un novo curso pastoral coa celebración da Eucaristía, presidida polo noso bispo, Luís Quinteiro Fiuza, o martes 27 de outubro de 2020, no templo parroquial da Sacra Familia de Vigo.

Vida Ascendente constitúese como un movemento  laical de xubilados e maiores que se engloban dentro do grupo de poboación de risco fronte ao coronavirus; situación que marca notablemente a súa actividade.

A pesar do contexto socio-sanitario que estamos a vivir e que afecta especialmente a este movemento diocesano, o bispo, Luís Quinteiro, alentou aos presentes para difundir a mensaxe de esperanza que Jesús anuncia no Evanxeo, para demostrar que a vida ten sentido a pesar das circunstancias. Neste sentido, resaltou a achega extraordinaria en calquera campo ou situación que exercen as persoas maiores cando viven a súa vida tranquilamente á luz da fe.

Ao final da Eucaristía, Marisa Vidal, presidenta de Vida Ascendente, dirixiu unhas palabras aos animadores lembrándolles que eles son o motor do movemento, que sen eles o grupo non camiña, non avanza. Nesta liña, motivounos para continuar acompañando especialmente a todos aqueles participantes que, ao formar parte do grupo de risco, víronse obrigados a abandonar as reunións.

Ademais da celebración litúrxica, o grupo programara unha serie de actos formativos e charlas para o día de onte que se cancelaron debido ás novas restricións estipuladas polo Goberno español, nas que se prohibían as reunións de máis de cinco persoas non conviventes.

Facebook
Twitter
Email
WhatsApp