O pasado sábado, o coro compostelán, Voz Stellae, dirixido por Luís Martínez, revivía os cantorales de polifonía dos séculos XVII e XVIII. Estes cantorales pertencen ao volume IV da serie “Música na Catedral de Tui”, promovida polo Bispado de Tui-Vigo e a Asociación Cultural Barcia de Mera.
O coro compostelán visitará Melide, Ribadavia e Muxía antes de pechar este ciclo de concertos na igrexa do Mosteiro de Santa María de Oia, o domingo 27 ás sete da tarde.
Este ciclo de concertos comezaba o 5 de setembro na catedral de Tui cun concerto de órgano a cargo de Joaquín Barreira, para mostrar ao público a música contida no volume III da serie.
