A delegación de Pastoral Familiar da diocese de Tui-Vigo acaba de publicar as datas dos Cursiños Prematrimoniais previstos para o ano 2025, paso previo para todas aquelas parellas con data de voda que soliciten recibir o sacramento do matrimonio. A primeira quenda de cursos comezará o luns 3 de febreiro en Vigo e prolongaranse ao longo de todo o ano ata o mes de outubro —exceptuando os meses estivais de xullo e agosto—.
Ao longo de todo o ano, os equipos de Pastoral Familiar —formado por sacerdotes e matrimonios— impartirán un total de 19 cursos en diferentes puntos da diocese de Tui-Vigo: en Redondela, O Porriño, A Ramallosa, Guláns, Vigo —no Seminario Maior «San José» e nas parroquias de María, nai do bo pastor, Santa Teresa, o Cristo da Vitoria, San Paio de Navia e Santiago o Maior— e Tui —no Seminario Menor—.
A delegación de Pastoral Familiar remarca a importancia de inscribirse previamente para coñecer o número de parellas interesadas e as posibilidades de desenvolvelos tendo en conta o espazo dos salóns parroquiais nos que se impartirán as distintas sesións. Para inscribirse, as parellas deben contactar cos responsables de cada zona a través do número de teléfono que aparece no calendario dos cursos do 2024 e que se pode consultar a través da seguinte ligazón.
Os Cursiños Prematrimoniais constitúen unha oportunidade de «axudar a mocidade a descubrir o valor e a riqueza do matrimonio», tal e como explica o papa Francisco no seu exhortación apostólica dedicada á beleza do matrimonio, Amoris Laetitia. Ademais, trátase dun momento para poñer sobre a mesa cuestiones que, quizais, non se trataron en profundidade durante o noivado.
