29 de Marzo de 2024

,

San Eustasio
29 de Marzo de 2024

,

San Eustasio

Xa podes visitar o tradicional Belén e o mercado de Nadal do Fogar-Clínica San Rafael

Xa podes visitar o tradicional Belén e o mercado de Nadal do Fogar-Clínica San Rafael

O Belén que os profesionais e usuarios do Centro montan desde hai máis de 70 anos, permanecerá aberto ao público desde o 1 de decembro ata o 6 de xaneiro, de 11:00 horas a 13.30 horas e de 17:00 horas a 20:00 horas.

A montaxe ocupa unha superficie de máis de 40 metros cadrados e está composto por máis de 100 figuras.

Tamén se abriu o mercado do Nadal no que os usuarios dos talleres ocupacionais de HC San Rafael expoñen e poñen á venda os traballos e manualidades realizadas ao longo de todo o ano.

O 30 de novembro, O presidente do Parlamento de Galicia, Miguel Ángel Santalices, inaugurou o tradicional Belén do Nadal que o Fogar e Clínica San Rafael monta desde hai máis de 70 anos, e que permanecerá aberto ao público desde o 1 de decembro ata o próximo 6 de xaneiro, en horario de 11:00 horas a 13.30 horas e de 17:00 horas a 20:00 horas.

A superficie aproximada que ocupa esta montaxe supera os 40 metros cadrados e conta con máis de 100 figuras que representan as escenas típicas deste tipo de recreacións.

Esta representación é posible grazas ao intenso labor desenvolvido polo persoal e os usuarios de todos os talleres da área Ocupacional que levan meses traballando na súa preparación, deseñando os diferentes escenarios, seleccionando e adecuando as figuras e preparando toda a parte técnica que permite que este Belén sexa cada ano diferente e único.

Ademais, do nacemento e a adoración dos Reis Meigos, inclúe escenas cotiás, representacións de diferentes oficios, paisaxes de ríos, montañas e desertos, pontes, camiños e vivendas.

Unha das principais características deste Belén é que nunca é igual e cada ano o equipo responsable deste traballo esfórzase por innovar e incluír novidades técnicas e artísticas que o fagan máis atractivo.

Todos os profesionais e usuarios dos talleres ocupacionais traballan no desenvolvemento desta iniciativa. As casas e os poboados foron elaborados polos talleres de Carpintería e Iniciación á Madeira; os decorados contan coa colaboración do taller de Manipulados; e o traballo do taller de Coiro pódese apreciar en detalles como as palmeiras.

Desde as súas orixes, este Belén recibiu a miles de persoas e visitalo converteuse nunha tradición que pasou de pais a fillos.

Ademais da inauguración do Belén, hoxe tamén se abriu do mercado no que se mostran e poñen á venda os traballos realizados polos usuarios dos talleres da área Ocupacional durante todo o ano. Neste espazo, situado á beira do Belén, os visitantes poderán atopar diversos artigos do Nadal, así como manualidades de diferente tipoloxía como os coitelos untadores de inox  para destros e zurdos, mobles auxiliares de baño e cociña ou diversos artigos realizados polo taller de coiro que está rexistrado como Taller de Artesanía de Galicia pola Xunta de Galicia. 

Esta exposición, ademais de dar a coñecer os traballos que se fan no centro, ten por obxectivo a habilitación profesional de acódelas usuarias, xa que son eles os que realizan os inventarios e as vendas coma se tratásese dunha tenda na rúa, buscando así posibilidades de futuras insercións laborais.

Sobre Fogar-Clínica San Rafael

O Fogar e Clínica San Rafael, pertencente á Orde Hospitalaria de San Xoán de Deus, Provincia de España, atende a persoas con discapacidade intelectual desde hai máis de 70 anos. Tal e como indica o seu nome, é máis que un centro, é un fogar que realiza unha atención integral e humana co obxectivo de fomentar o seu desenvolvemento persoal, social e laboral a través das áreas educativa, ocupacional e residencial.

En España, a Orde Hospitalaria de San Xoán de Deus conta cunha rede de 79 centros e dispositivos sanitarios, sociais, socio-sanitarios, docentes e de investigación que atenden a case un millón e medio de persoas anualmente. Está integrada por 188 Irmáns, 15.000 profesionais, máis de 3.300 voluntarios e numerosos doantes e benfeitores.

 A nivel mundial a Orde Hospitalaria está presente en 52 países con 402 obras apostólicas e centros sociais e sanitarios, atendendo a máis de 3 millóns de persoas ao ano. Ademais, conta con 1.020 Irmáns, 63.000 profesionais e 23.000 voluntarios/as.

Facebook
Twitter
Email
WhatsApp