Este sábado, 29 de maio, San Martiño de Barcia de Mera encherase novamente de música coa participación do grupo Ensemble Musicantes, que interpretará obras de Alfonso X O Sabio, Marcabrú ou Legado Sefardí, entre outras.
Esta segunda sesión do XIII Ciclo de Música Relixiosa de Barcia de Mera comezará ás oito da tarde e, debido ás limitacións de aforo a causa do covid-19, será necesario reservar entrada previamente na recepción do balneario de Mondariz ou a través do número de teléfono: 658 627 525. O custo da entrada será de 5€.
A parroquia de Barcia de Mera, situada no municipio pontevedrés de Covelo, acolle cada verán este ciclo musical que, nesta ocasión, conta cun total de sete concertos programados desde abril ata setembro.
