O venres 23 de decembro, ás 19.45 horas, no templo parroquial de San Francisco, a delegación diocesana de Stella Maris de Tui-Vigo organiza unha eucaristía de Nadal para todas as persoas vinculadas ao sector marítimo —traballadores do Porto, tripulantes, empresas e familiares—, presidida por Mons. Luís Quinteiro, bispo de Tui-Vigo e promotor en España de Stella Maris.
Esta eucaristía súmase á campaña «Gorros que non só abrigan» e o torno do Nadal de fútbol sala para axentes do Porto que, durante este mes de decembro, Stella Maris levou a cabo para dulcificar a situación de illamento e ausencia familiar dos mariñeiros que pasarán estas festas lonxe das súas familias, pero tamén para establecer unha rede de contacto entre tripulantes, empresas e traballadores do Porto.
