19 de Maio de 2024

,

San Francisco Coll
19 de Maio de 2024

,

San Francisco Coll

Máis dunha trintena de axentes de Pastoral da Saúde acudiron ao Curso Rexional en Mondoñedo

Máis dunha trintena de axentes de Pastoral da Saúde acudiron ao Curso Rexional en Mondoñedo
Foto: Asistentes al XLII Cursillo Regional de la Salud, que tuvo lugar en Mondoñedo.

Co obxectivo de impulsar o labor de infundir esperanza na enfermidade, o sábado 14 de outubro, máis dunha trintena de axentes de Pastoral da Saúde da diocese de Tui-Vigo participou no Curso Rexional organizado polo Secretariado Interdiocesano de Pastoral da Saúde de Galicia, en Mondoñedo. Á  xornada acudiron 140 persoas de toda a comunidade autónoma para profundar en como acompañar, desde a fe, ás persoas que presentan problemas de saúde mental. 

Durante a mañá, o coordinador do Programa de prevención e promoción da saúde mental do Sergas, Alexandre García Caballero, impartiu a conferencia «Axudando a crecer cando cambian os marcos». A continuación, houbo unha interesante mesa redonda na que intervirán diferentes asociacións e profesionais que traballan no campo da saúde mental.

Ademais do carácter formativo, os asistentes tiveron a oportunidade de gozar dunha comida de confraternización no Seminario de Mondoñedo e tamén dun concerto de órgano na catedral. A xornada finalizou coa celebración da eucaristía presidida por Mons. Fernando García Cadiñanos, prelado da diocese mindoniense, no templo catedralicio.

Nesta ocasión, as cinco dioceses da provincia eclesiástica de Santiago de Compostela organizaron esta XLII edición do Curso Rexional de Pastoral da Saúde baixo o lema «Con Xesús sanamente», para responder, como Igrexa, ao reto de acompañar ás persoas —enfermos e familiares— que padecen problemas de saúde mental.

Facebook
Twitter
Email
WhatsApp