«Contaxia solidariedade para acabar coa fame» é o lema da nova campaña contra a fame de Mans Unidas
Coa campaña de 2021, Mans Unidas pecha o seu plan de traballo trienal iniciado en 2019 «Promovendo os dereitos con feitos».
A delegación de Tui-Vigo convida á participación na rolda de prensa que terá lugar o 9 de febreiro a nivel nacional vía streaming.
Mans Unidas, a organización da Igrexa católica en España para a loita contra a pobreza que sofren os pobos máis excluídos do planeta, marcouse como obxectivo continuar fomentando as actitudes de colaboración que contribúan a frear a fame, a maior pandemia que sofre o planeta desde hai décadas, coa súa campaña anual «Contaxia solidariedade para acabar coa fame».
Esta campaña enmárcase dentro dun plan de traballo trienal xurdido 2019 – 2021 baixo o lema «Promovendo os dereitos con feitos» que, no marco de pandemia actual, promove a corresponsabilidade no ben común visibilizando o papel do individuo no marco da súa sociedade na que exerce e consolida os seus dereitos.
A solidariedade universal converteuse en foco do traballo desenvolvido, durante máis de 62 anos, pola organización que, no medio de drama provocado polo coronavirus e tal como explican no seu boletín de prensa, “reafirma a dignidade de todo ser humano e os seus refugallos; a necesidade de xerar novos estilos de vida máis solidarios; a urxencia, desde a política e a economía, de crear condicións de vida máis humanas, centradas na dignidade de cada persoa e no ben común”.
Actualmente, A FAO, no seu informe do ano 2020, estima que preto de 690 millóns de persoas padecen fame crónica e que a covid-19 podería incrementar entre 83 e 132 millóns de persoas ao número total de persoas subalimentadas no mundo. A esta problemática habería que sumar a denunciada por outras organizacións como a ONU sobre a falta de recursos para acceder a unha vivenda digna ou a asistencia digna en países de África, Asia e Latinoamérica.
Desde a delegación de Mans Unidas de Tui-Vigo poñen a disposición os materiais editados a nivel nacional para poder traballar con maior profundidade os obxectivos que perseguen coa campaña deste ano. Entre os materiais, atópanse actividades didácticas para traballar cos nenos en familia aos que hai que sumarlles as guías para catequistas- formadores que poden utilizarse nos grupos de catequeses.
