25 de Abril de 2024

,

San Marcos
25 de Abril de 2024

,

San Marcos

Nota dos bispos da provincia eclesiástica de Santiago de Compostela ante a solemnidade de san Xosé

Nota dos bispos da provincia eclesiástica de Santiago de Compostela ante a solemnidade de san Xosé
FOTO.- Imagen de san José en el templo parroquial de San Miguel de Fofe | © Santiago Vega

Os bispos da provincia eclesiástica de Santiago de Compostela publicaron unha nota con motivo da solemnidade de san Xosé que, neste ano 2024, foi declarado laborable na comunidade autónoma de Galicia. Con tal motivo, dispuxeron manter o 19 de marzo, solemnidade de san Xosé, festa de precepto coa obrigación de participar na eucaristía, aínda que sexa laboralmente hábil —quen teña xornada laboral chocalleira quedan dispensados do precepto, aínda que se recomenda vivamente a participación na misa—.

Texto íntegro dos bispos da provincia eclesiástica de Santiago de Compostela ante a solemnidade de san Xosé

San Xosé, esposo da benaventurada virxe María, home xusto, nacido da estirpe de David, que fixo as veces de pai para co Fillo de Dios, Cristo Xesús, o cal quixo ser chamado fillo de Xosé, e estívolle suxeito como un fillo ao seu pai. A Igrexa venérao con especial honra como patrón, a quen o Señor constituíu sobre a súa familia (Martiroloxio Romano).

A Igrexa recoñeceu sempre a importancia da figura de san Xosé no contexto da historia da salvación. Ningún santo no Maxisterio pontificio, despois da benaventurada virxe María, ocupa tanto espazo. Así, o beato Pío IX, secundando o sentir de innumerables católicos, recoñeceuno como patrón da Igrexa universal (8 de decembro de 1870). A liturxia da Igrexa celebra a san Xosé co rango de solemnidade e debido á importancia deste santo, propón a súa festa como día de precepto (cf. canon 1246). Tradicionalmente o pobo cristián secundou esta norma dando un significativo realce familiar e social á festa do 19 de marzo.

Neste ano de 2024, este día foi declarado laborable na comunidade autónoma de Galicia. Ante a necesidade de fixar claramente o tratamento que dita festa debe ter por parte da comunidade católica, os bispos da provincia eclesiástica de Santiago de Compostela acordamos manter nas dioceses respectivas o carácter festivo deste día.

En consecuencia, e para coñecemento dos fieis, dispoñemos:

  1. Manter o 19 de marzo, solemnidade de san Xosé, festa de precepto, coa obrigación de participar na Santa Misa, aínda que sexa laboralmente hábil.
  2. Aqueles fieis que teñan xornada laboral ordinaria quedan dispensados do precepto, aínda que se lles pide e recomenda vivamente a participación na Eucaristía dese día de festa dedicado a San Xosé, Esposo da Virxe.
  3. Pedir, igualmente, aos párrocos e reitores de igrexas que informen os fieis con antelación destas decisións e acomoden os horarios de misas ás posibilidades e necesidades dos fieis.
  4. Ao coincidir a celebración do Día do Seminario coa festividade de San Xosé, a oración e a colecta para o Seminario Diocesano serán trasladadas, por razóns pastorais, á tarde do sábado, día 16, e ao domingo, día 17 de marzo, V Domingo de Coresma.

+ Francisco José, Arcebispo de Santiago.

+ Luis, Bispo de Tui-Vigo.

+ Alfonso, Bispo de Lugo.

+ José Leonardo, Bispo de Ourense.

+Fernando, Bispo de Mondoñedo-Ferrol.

Facebook
Twitter
Email
WhatsApp