Para evitar aglomeracións, as eucaristías distribuiranse entre xoves e venres desta semana e luns e martes, da próxima.
O pasado 30 de marzo faleceu en Salamanca o pai Eugenio Ogando, S. J. con 81 anos de idade, 51 de sacerdocio e 63 na Compañía de Xesús.
Para evitar aglomeracións os Xesuítas de Vigo organizarán diversas eucaristías polo seu eterno descanso. Na Igrexa dos Apóstolos serán hoxe, xoves 8 de abril, e mañá, venres 9, ás 20 horas da tarde. O luns 12 e o martes 13, a misa celebrarase ás 19:30 horas na parroquia de San Francisco Xavier, na que tamén se celebrará unha eucaristía especial coa comunidade educativa do colexio Apóstolo o martes ás 18:30 horas.
A comunidade parroquial de San Antonio da Florida, da que o pai Eugenio foi sacerdote colaborador e adscrito durante moitísimos anos, tamén celebrará unha misa polo seu eterno descanso. Será o vindeiro xoves, 15 de abril, ás 20 horas da tarde.
O pai Eugenio Ogando naceu en Huelva en maio de 1939 e, aos 17 anos de idade, ingresou na Compañía de Xesús. Xa como pai xesuíta ordenouse sacerdote en Vigo en 1969 e fixo os seus últimos votos nesa mesma cidade en 1976.
Tras realizar estudos en Filosofía, Maxisterio e Teoloxía e exercer durante 2 anos como capelán militar, no ano 1972, o pai Ogando é enviado á cidade de Vigo, onde permanecerá ata o ano 2020. Aquí, desempeña diversas responsabilidades en diversas parroquias, primeiro como Vicesuperior e Párroco de San Francisco Xavier, despois como delegado de Pastoral do Colexio Apóstolo Santiago, como colaborador e adscrito de San Antonio da Florida e, finalmente, como consiliario de Equipos da nosa Señora.
