3/07/2022

,

Santo Tomás
3/07/2022

,

Santo Tomás

Toma de posesión dos novos cóengos

Toma de posesión dos novos cóengos
Foto: Fachada de la Catedral de Tui

O Deán da Catedral  da diocese comunica que o vindeiro sábado  9 de abril, ás 12 horas, o bispo  Mons. Luís Quinteiro Fiuza, presidirá a toma de posesión dos dous novos cóengos do Cabildo Catedralicio, Jesús Martínez Carracedo e Juan Diz  Miguélez. Aínda que se trata dun rito específico en que os membros do cabido reciben aos novos membros que entran a formar parte del, é habitual que numerosos fieis e amigos dos novos cóengos acudan a felicitarlles e acompañarlles na cerimonia, que nesta ocasión terá lugar tras o rezo da hora sexta  da Liturxia das Horas, no coro da Catedral. 

Juan Diz  Miguélez

Nacido en Brasil, recibiu a ordenación sacerdotal nesta diocese  en xuño de 1993. Desde agosto de 2021, é párroco de Santa Clara de Vigo, despois de ser durante cinco anos reitor do Seminario Maior San José de Vigo. Nos seus anos de ministerio sacerdotal foi párroco de Rebordechán,  Angures, Filgueira, Baíña e Baredo; foi tamén vigairo parroquial da nosa Señora do Rocío e da Inmaculada Concepción. Impartiu clases de relixión no colexio  Altamar de Vigo e foi  formador do Seminario Menor de Tui, delegado de Pastoral Vocacional e membro do Consello de Presbiterio. 

Jesús Martínez Carracedo

Ordenado sacerdote no ano 1997 en Tui é, desde o ano 2018, párroco do Sacro Corazón de Jesús en Vigo e vigairo de Asuntos Económicos da diocese de Tui-Vigo.  Fixo estudos de Licenciatura en Pastoral da Saúde nas universidades romanas e por iso estivo vinculado algún tempo a eses labores  tanto na diocese como Delegado diocesano de Pastoral da saúde e capelán dos Hospitais  Xeral e  Meixoeiro, así como na Conferencia Episcopal Española , na que foi director do departamento da Pastoral da Saúde (2013-2018).

Facebook
Twitter
Email
WhatsApp